Pipila ka mga awards ang nadawat sa Bayawan Water District (BAWAD) atol sa Regional Awards Rites nga gipasiugdahan sa Civil Service Commission kaniadtong Septiyembre 11, 2019 sa Cebu City.
Kini subay sa pagsaulog sa ika-119th Philippine Civil Service Anniversary karong tuiga. Gani, gipasidunggan kini isip Best Brigada Ahensya sa nagkalain laing kategoriya; Sa Category A (5S Principle), Category B (Repairs, Refurbishing & Repainting of Facilities and Fixtures, sa Category C (Landscaping) kun diin kini Hall of Famer na kini sa maong award ug sa Category D (Solid Waste Management.)
Subay niini, nagpasalamaton gayod si Alma Abrasaldo isip General Manager sa BAWAD sa lokal nga pangagamhanan sa dakbayan ilabi na kay Mayor Pryde Henry Teves ingon man sa mga konsumidor sa BAWAD sa kanunay nga suporta niini.
Ang BAWAD ang usa sa mga pilot water districts ingon man usa sa mga bantogan nga water districts sa tibuok punsod sa Pilipinas.